vendredi, décembre 3, 2021
HomeAmezruy/Histoire59 n yiseggasen ɣef tmeɣiwt ...

59 n yiseggasen ɣef tmeɣiwt n tlemẓit Faṭima Beddar

Faṭima BEDDAR, d tilemẓit Taqvaylit n 15 iseggasen. D yiwet seg atas n tiɣtas n tsertit n Fṛansa tamharsant. Yečča-tt wasif n « La Seine », ass n 17 tuver 1961, di tmesvanit i d-yellan di Lpari.

Tlul deg ass n 05 di ɣuct n useggas 1946, di Ticci, i yeṭṭafaren ass-a agezdu n Vgayet, di tmurt n Yiqvayliyen. Vava-s isem-is Lḥusin, yella d ameɣnas deg tuddsa (Organisation) tafidiralit n FLN di Fransa.

D tilemẓit i d-yeffeɣen, am nettat am yiminigen, tekki deg tmesvanit i ɣer i d-tessawel tfidiralit FLN n Fransa. Ɣas ma yella yemma-s tugi-as ad teffeɣ, acku taneggarut-agi tra ad tekki ɣer tama n urgaz-is deg tmesvanit-agi. Tḥellel deg illi-s Faṭima ad as-teqqim deg uxxam ad tɛus gma-s amecṭuḥ. Maca ur as-tuɣ ara awal, terra aqṛav ɣef tuyat-is, tekka tawwurt, tewwi avrid-is ɣer wadeg n tigawt. 

Tezri tmesvanit, tegla-d s yimeyyaten n lmeytin, ula d tilemẓit Faṭima ur d-tvan ara, amzun tečča-tt lqaɛa. Armi d ass n 31 di tuver i d-teffeɣ-d tfekka-s, ufan-tt deg asif n Saint Denis.

Di tallit-nni anevdad (Préfet) n temsulta n Lpari, Maurice Papon, yeffer taluft n tlemẓit, yessers di lekwaɣeḍ d akken Faṭima tenɣa iman-is. Ur yelli d iserdasen i t-yenɣan. 

Macca akken yeqqar yinzi: « Akken tra ɛeṭṭel, tidet ad d-tvan. « Deg useggas n 2006, neɣ seld 45 iseggasen ɣef tedyanin n tuver 1961, iɣsan n Faṭima, tettwakkes-d seg inig, wwin-ten-i-d, tettwamḍel deg tjebbant n yimeɣrasen deg iɣrem n Ticci.

Amnay ILELLI

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments